Shaıbaly hokkeıden Qazaqstan quramasy «Nagano kýbogy-2010» týrnırine qatysý úshin Japonııaǵa attanyp ketti

dep habarlaıdy QazAqparat.

Shaıbaly hokkeı federatsııasy baspasóz qyzmetiniń málimetinshe, komandanyń quramyna «Barys» hokkeı klýbynyń 17 oıynshysy, qurlyqtyq hokkeı lıgasynda óner kórsetetin 8 qazaqstandyq engizilgen. Sonymen qatar, quramaǵa Qaraǵandynyń «Saryarqa» jáne Óskemenniń «QaztsınkTorpedo» komandalarynan bir-bir oıynshydan alynǵan. «Shaıbaly hokkeıden Qazaqstan quramasy úshin «Nagano kýbogy-2010» týrnırine qatysý aǵymdaǵy jyldyń mamyr aıynda Germanııada ótetin joǵary dıvızıondaǵy komandalar arasyndaǵy álem chempıonatyna daıyndyq satysy bolyp tabylady. Naganoda bizdiń komanda Danııa, Slovenııa jáne Japonııa quramalaryna qarsy oınaıdy», delingen baspasóz málimetinde. Quramanyń bas bapkeri Andreı Shaıanovtyń aıtýynsha, komandanyń basty mindeti - Nagano kýbogyn jeńip alý. Al, strategııalyq maqsat - qurama oıynshylarynyń basyn qosyp, olardyń álem chempıonaty aldyndaǵy daıyndyǵyn pysyqtaý.

Aıta keteıik, atalmysh týrnır aqpannyń 10-y men 13-i aralyǵynda ótedi.