Shaıbaly hokkeıden Qazaqstan quramasy Nagano-2010 Kýbogynyń oıyndaryna qatysady
ASTANA. Aqpannyń 5-i. QazAqparat - Shaıbaly hokkeıden Qazaqstan quramasy aqpannyń 9-y men 13-i aralyǵynda Japonııada ótetin Nagano-2010 Kýbogynyń oıyndaryna qatysady,
dep habarlady shaıbaly hokkeı federatsııasynyń baspasóz qyzmetinen.
Ulttyq quramanyń negizin elordalyq «Barys» klýbynyń 17 oıynshysy quraıtyn bolady. «Qazaqstan quramasy úshin sondaı-aq Qurlyqtyq hokkeı lıgasynda oınaıtyn segiz qazaqstandyq sportshy oınaıdy. Olardyń qatarynda - Máskeýlik «Spartaktyń» kapıtany Dmıtrıı Ýpper, Novokýznetsk «Metallýrginiń» shabýylshylary Evgenıı Býmagın, Fedor Polışýk jáne t.b. bar», delingen federatsııasynyń baspasóz baıanynda.
«Nagano-2010» Kýbogy» Germanııada ótetin álem chempıonaty qarsańyndaǵy quramanyń synaǵy retinde qarastyrylyp otyr. 2004 jyly Qazaqstan quramasy Nagano týrnıriniń bas júldesin jeńip alǵan edi.
