Shaıbaly hokkeıden Qazaqstan quramasy álem chempıonatyna attanady
NUR-SULTAN. QazAqparat - Shaıbaly hokkeıden Qazaqstan quramasy Latvııamen ekinshi márte joldastyq kezdesý ótkizdi, dep habarlaıdy QazAqparat tilshisi.
Bul kezdesý álem chempıonatyna daıyndyq aıasynda uıymdastyryldy.
Oıyn barysynda qazaqstandyq hokkeıshiler qarsylasyna 1:5 esebimen jeńilip qaldy.
Eske salsaq, qazaqstandyq qurama 8 mamyrda da Latvııaǵa ese jibergen edi.
Endi qazaqstandyq hokkeıshiler 10 mamyrda Fınlıandııa astanasy Helsınkı qalasyna attanady.
Onda A tobynda Kanada, Slovakııa, Germanııa, Danııa, Shveıtsarııa, Italııa jáne Frantsııamen oınaıdy.
Qazaqstandyq hokkeıshiler álem chempıonatyndaǵy alǵashqy oıynyn 14 mamyrda Danııaǵa qarsy ótkizedi.
