Shaıbaly hokkeıden Qazaqstan kýbogy sarapqa salynady
ASTANA. 17 tamyz. QazAqparat /Gúlmıra Alıakparova/ - Shaıbaly hokkeıden erler komandalary 19-28 tamyz kúnderi Astanada Qazaqstan Respýblıkasynyń kezekti toǵyzynshy kýbogyn sarapqa salady.
Bul týraly QR Shaıbaly hokkeı federatsııasynan habarlady.
10 klýb, atap aıtqanda, «Arystan» (Temirtaý qalasy), «Almaty» (Almaty q.), «Arlan» (Kókshetaý q.), «Astana» (Astana q.), «Barys» (Astana q.), «Beıbarys» (Atyraý q.), «Gornıak» (Rýdnyı q.), «Ertis-Pavlodar» (Pavlodar q.), «Kaztsınk-Torpedo» (Óskemen q.) jáne «Saryarqa» (Qaraǵandy q.) hokkeı klýbtary týrnırge qatysatyndyǵyn qýattady.
Matchtardaǵy eń qyzyqty oqıǵalar, fotoreportajdar, oıynshylarmen jáne bapkerlermen suhbattar Qazaqstannyń Shaıbaly hokkeı federatsııasynyń - www.icehockey.kz saıtynyń alǵashqy betinde «2011 Kýbogynyń kúndeligi» aıdarynda beriledi.
2011-shi jylǵy Kýboktyń ashylý saltanaty 20 tamyz kúni «Barys» sport kesheninde «Kaztsınk-Torpedo» - «Astana» komandalary kezdesýiniń aldynda ótedi.
