Shaıbaly hokkeıden Qazaqstan kýbogy Qaraǵandyda ótedi
ASTANA. QazAqparat - Qaraǵandyda erler komandalary arasynda shaıbaly hokkeıden QR Kýbogy ótedi. Oıyn 18 tamyz kúni bastalady jáne oǵan 10 komanda qatysady, dep habarlaıdy oblystyq ákimdiktiń baspasóz qyzmeti.
«A» tobynyń komandalary Qaraǵandyda oınaıdy. Onyń qatarynda Kókshetaýdyń «Arlan» HK, Rýdnyıdyń «Gornıak» HK, Óskemenniń «Altaı-Torpedo» HK, «Temirtaý» HK jáne petropavldyq «Qulager» klýby bar.
«B» tobyna Astananyń «Nomad» HK, Atyraýdyń «Beıbarys» HK, «Almaty» HK, Pavlodardyń «Ertis» HK jáne «Astana» HK endi. Bul komandalar Kókshetaýda kezdesedi.
Qaraǵandyda alǵashqy oıyn «Gornıak» pen «Arlan» komandalary arasynda ótedi. Olar 18 tamyz saǵat 14:00-de oınaıdy. Osy kúni muz aıdynyna «Temirtaý» men «Altaı-Torpedo» komandalary shyǵady.
19 tamyz 18:00-de jeńis úshin «Gornıak» pen «Qulager» tartysty oıyn kórsetedi. Al 20 tamyzda 15:00-de «Arlan» «Altaı-Torpedoǵa» qarsy oınaıdy. 19:00-de «Temirtaý» jáne «Qulager» komandalary kúsh synasady. Seısenbi, 21 tamyz «Temirtaý» men «Gornıak» arasynda oıyn ótedi. Kelesi kúni, ıaǵnı 22 tamyz saǵat 15:00-de «Arlan» jáne «Qulager» komandalary ózara myqtyny anyqtaıdy. Al 19:00-de jankúıerler «Altaı-Torpedo»-«Gornıak» arasyndaǵy oıyndy tamashalaıdy. 23 tamyz, beısenbi kúni 15:00-de «Qulager» men «Altaı-Torpedonyń» arasynda tartys ótedi. 19:00-de «Temirtaý» «Arlanǵa» qarsy oınaıdy.
Pleı-off ta Qaraǵandyda 25 tamyz kúni ótedi. 14:00-de 3-4 oryndar úshin komandalar baq synasady. 18:00-de 1 jáne 2 oryndar jeńimpazdary anyqtalady.
