Shaıbaly hokkeıden Qazaqstan chempıonatynyń kezekti matchtarynyń nátıjeleri
ASTANA. Aqpannyń 17-si. QazAqparat /Ernur Aqanbaı/ - Keshe shaıbaly hokkeıden Qazaqstan chempıonatynyń kezekti matchtary ótti,
dep habarlaıdy QazAqparat.
Rýdnyıdyń «Gornıak» klýby Pavlodardyń «Ertic-Pavlodar» komandasynan 0:4 esebimen jeńilip qalyp, qarymta qaıtara almady. Eske sala keteıik, rýdnyılyq hokkeıshiler birinshi oıynda pavlodarlyqtarǵa over-taımda 3:4 esebimen jol bergen bolatyn. Al, Kókshetaýdyń «Arlan» komandasy bolsa qonaqtaǵy ekinshi oıynynda erik-jiger tanytyp, Óskemenniń «Qaztsınk-Torpedo-2» klýbynan 4:2 esebimen basym tústi. Birinshi oıynda óskemendikter qarsylastaryn 6:1 esebimen tas-talqan etip utqan bolatyn. Al, chempıonattyń kóshbasshysy Qaraǵandynyń «Saryarqa» klýby syrt aıdynda Atyraýdyń «Beıbarysyn» 2:1 esebimen utty.
