Shaıbaly hokkeıden Qazaqstan chempıonaty 19 qazanda bastalady
NUR-SULTAN. QazAqparat - Shaıbaly hokkeıden Qazaqstan chempıonaty 19 qazanda bastalady. Alǵashqy týr elimizdiń 6 qalasynda ótedi, dep habarlaıdy QazAqparat tilshisi.
Bıyl chempıonatqa barlyǵy 13 komanda qatysady. Olardyń qatarynda «Nomad» (Nur-Sultan), «Altaı-Torpedo» (Óskemen), «Torpedo» (Óskemen), «Snejnye Barsy» (Óskemen), «Arlan» (Kókshetaý), «Beıbarys» (Atyraý), «Qulager» (Petropavl), «Aqtóbe» (Aqtóbe), «Temirtaý» (Temirtaý), «Saryarqa» (Qaraǵandy), «Ertis» (Pavlodar), «Almaty» (Almaty) jáne «Gornıak» (Rýdnyı) komandalary bar.
Alǵashqy týrda «Nomad» pen «Altaı-Torpedo», «Torpedo» men «Snejnye Barsy», «Arlan» men «Beıbarys», «Qulager» men «Aqtóbe», «Temirtaý» men «Saryarqa», «Ertis» pen «Almaty» ózara sheberlik baıqasady.
Qazaqstan chempıonaty 1992 jyldan beri turaqty túrde ótkizilip keledi. Búgingi kúnge deıin «Torpedo» - 13, «Beıbarys» - 4, «Ertis-Pavlodar» - 3, «Barys» - 2, «Nomad», «Saryarqa», «Qazaqmys», «Arlan», «Bolat» komandalary bir-bir márte chempıon atandy. Bıyl koronavırýs ınfektsııasyna baılanysty jeńimpaz anyqtalǵan joq.
Esterińizge sala ketelik, shaıbaly hokkeıden Qazaqstan chempıonatynyń bastalýy keıinge shegerilgen bolatyn.
