Shaıbaly hokkeıden Qazaqstan birinshiliginiń qashan bastalatyny belgili boldy
NUR-SULTAN. QazAqparat - Shaıbaly hokkeıden Qazaqstan birinshiliginiń qashan bastalatyny belgili boldy, dep habarlaıdy QazAqparat tilshisi.
El birinshiligindegi alǵashqy kezdesý bıylǵy 10 qyrkúıekte bastalady. Onda barlyǵy 12 komanda baq synaıdy dep kútilýde.
Birinshilik barysynda «Aqtóbe», «Almaty», «Arlan», «Beıbarys», «Gornıak», «Ertis», «Kulager», «Nomad», «Saryarqa», «Snejnye Barsy» jáne «Torpedo» saıysqa túsedi.
Sondaı-aq, olardyń qataryna ózbestandyq «Hýmo» komandasy qosylady.
Aldymen el birinshiliginiń turaqty kezeńi ótkiziledi. Odan keıin alǵashqy segizdiktegi komandalar pleı-off satysynda synǵa túsedi.
Eske salsaq, budan buryn shaıbaly hokkeıden Qazaqstan Prezıdenti kýbogyna qatysatyn komandalar tiziminde ózgerister boldy.
Týrnırge qatysýǵa qazaqstandyq «Barystan» basqa, Reseıdiń «Neftehımık» (Nıjnekamsk), «Avtomobılıst» (Ekaterınbýrg), «Metallýrg» (Magnıtogorsk) komandalary nıet bildirip otyr.
