Shaıbaly hokkeıden el birinshiliginde 11 komanda synǵa túsedi

ASTANA. QazAqparat - Shaıbaly hokkeıden aldaǵy maýsymda Qazaqstan birinshiliginde 11 komanda synǵa túsetin boldy, dep habarlaıdy QazAqparat tilshisi.

Aldaǵy maýsymda el birinshiliginde «Aqtóbe», «Almaty», «Arlan» (Kókshetaý), «Beıbarys» (Atyraý), «Gornıak» (Rýdnyı), «Ertis» (Pavlodar), «Kulager» (Petropavl), «Nomad» (Astana), «Saryarqa» (Qaraǵandy), «Torpedo» (Óskemen) jáne ózbekstandyq «Hýmo» baq synaıdy. Klmandalar úsh kezeń boıynsha synǵa túsedi.

Alǵashqy kezeńde komandalar bir-birimen tórt oıynnan ótkizdi. Ekeýi óz alańynda bolsa, ekeýi syrtta bolady.

Maýsymnyń alǵashqy oıyny 9 qyrkúıekke belgilengen.

Turaqty kezeń oıyndary aqpan aıyna deıin sozylady. Pleı-off satysy 12 aqpannan bastalady.

Eske salsaq, budan buryn «Barystyń» Qurlyqtyq hokkeı lıgasyndaǵy oıyn kestesi belgili boldy.