Shaıbaly hokkeıden el birinshiligi belgisiz ýaqytqa deıin shegerildi

QYZYLORDA. QazAqparat - Qazaqstan hokkeı federatsııasy el birinshiligin belgisiz merzimge deıin shegerýge sheshim qabyldady, dep habarlaıdy QazAqparat tilshisi federatsııa saıtyna silteme jasap.

Bul sheshim álemde dendep bara jatqan koronavırýs derti qaýpiniń aldyn alý maqsatynda qabyldandy. Nátıjesinde el aýmaǵyndaǵy balalar men jasóspirimder sporty qaýipsizdigin saqtaý baǵytynda kez kelgen oqý-jattyǵý jáne oıyn protsesine tyıym salynady. Atalǵan sheshim ázirge 14 naýryzdan bastap jalpy bilim beretin mektepterdiń kóktemgi kanıkýly aralyǵynda bolady dep kútilýde. Ol shamamen 5 sáýrge deıingi aralyqty qamtıdy.

Al 15 naýryzdan bastap el aýmaǵynda shaıbaly hokkeıden barlyq oıyndy ótkizýge belgisiz merzimge deıin shekteý jasaldy.

Esterińizge sala ketelik, budan buryn bendıden Qazaqstan quramasy álem chempıonatyna qatysýdan bas tartqan edi.