Shaıbaly hokkeıden Azıada chempıon atanǵan qyzdar quramasy QazUTÝ-da boldy
ALMATY. 11 aqpan. QazAqparat /Ádilet Musahaev/ - Búgin 7-Qysqy Azııa oıyndarynda áıelder arasynda shaıbaly hokkeıden chempıon atanǵan Qazaqstan quramasynyń sportshylary Q. Sátbaev atyndaǵy QazUTÝ-dyń stýdentterimen kezdesti.
Kezdesý barysynda sportshylar stýdentter tarapynan qoıylǵan suraqtarǵa jaýap berip, jeńiske jetkendegi ózderiniń qýanyshty áserlerimen bólisti.
Qurama bapkeri Aleksandr Maltsev Qysqy Azııa oıyndarynda qatarynan úsh dúrkin chempıon ataný jolynda qyzdarymyz kóp ter tókkendigin aıtyp ótti. «Qyzdardyń baǵyndyrǵan shyńyna razymyn, biraq bosańsýǵa bolmaıdy, alda jańa jarystar kútip tur», - deıdi bapker.
25-27 aqpan aralyǵynda hokkeıden Qazaqstan ulttyq qurama komandasy Eýropa chempıondar kýbogynda óner kórsetip, júldeli orynǵa qol jetkizýdi josparlap otyr. Al 10-15 naýryz aralyǵynda Qytaı quramasy arasynda baqylaý jarysyn ótkizedi. Bul kezdesýlerdiń barlyǵy Shveıtsarııada ótetin áıelder komandalary arasyndaǵy álem chempıonaty qarsańynda bolmaq.
