Shaıbaly hokkeıden álemdik reıtıng: Qazaqstan 19-orynda
NUR-SULTAN. QazAqparat - Halyqaralyq shaıbaly hokkeı federatsııasy (IHHF) Slovakııadaǵy Álem chempıonatynan keıin ulttyq quramalar reıtıngin jańartty, dep habarlaıdy QazAqparat.
QR Ulttyq Olımpıadalyq komıtetinen málim etkendeı, jańadan túzilgen reıtıngte 3705 upaımen Kanada quramasy kósh bastap tur. Álemdik synnyń jartylaı fınalynda jeńilgen reseılikter ekinshi satyda. Alǵashqy úshtikti bıylǵy Álem chempıony Fınlıandııa komandasy túıindegen.
Birinshi dıvızıonnyń A tobynda jeńiske jetip, elıtaly dıvızıonǵa qaıta oralǵan Qazaqstan quramasy 19-shy orynda tur. Otandyq komandanyń qorjynynda 2570 upaı bar.
Eske sala keteıik, Slovakııada aıaqtalǵan shaıbaly hokkeıden Álem chempıonatynda Fınlıandııa quramasy chempıon atandy. Olar fınaldyq kezdesýde Kanadany 3:1 esebimen jeńdi.
