Shaıbaly hokkeıden Álem chempıonatynda qazaqstandyq jasóspirimder Polsha men Germanııa quramalarynan utylyp qaldy
ASTANA. Sáýirdiń 13-i. QazAqparat - Polshanyń Krınıtsa qalasynda jastary 18-ge deıingi oıynshylardan turatyn І dıvızıonnyń V tobyndaǵy erler arasyndaǵy birinshilik bastalǵan bolatyn.
Bas jattyqtyrýshy Pavel Makerov jetekshiligimen Qazaqstan Respýblıkasynyń jasóspirimder quramasy Krınıtsada eki match ótkizdi. Olar 0:2 esebimen - Polshaǵa, sonan keıin 1:11 bolyp Germanııaǵa ese jiberdi, delingen Qazaqstan shaıbaly hokkeı federatsııasynyń baspasóz málimdemesinde.
Sársenbide, sáýirdiń 14-inde jasóspirimderimiz Anglııa quramasyna qarsy oınaıdy.
