Shaıbaly hokkeıden Álem chempıonatynda Qazaqstan quramasy jeńiske jetip, elıtaly topqa ótti

Keshe Qazaqstan quramasy Italııadan basym tústi. Oıyn asa tartysty ótti. Match bastalmas buryn keıbir sarapshylar «Qazaqstannyń quramasy utylýy múmkin» degen boljam da aıtyp qaldy. Degenmen, bizdiń hokkeıshiler óz jankúıerlerin jerge qaratqan joq. Oıynnyń 11-shi mınýtynda Roman Savchenkonyń pasyn sheber paıdala bilgen Talǵat Jaılaýov qarsylastar qaqpasyna birinshi shaıbany salyp, óz komandasyn alǵa shyǵardy. Italıandyqtar birinshi kezeńde qansha shabýyl jasaǵanymen, tarazy basyn teńestire almady. Al ekinshi kezeńde qazaqstandyq hokkeıshilerdiń júıkesin juqartýdyń qıturqy áreketterin jasap-aq baqty. Biraq odan da eshteńe shyǵara almady. 25-shi mınýtta Roman Starchenko ekinshi shaıbanyń avtory atandy. Esep 2:0. Ol úshinshi kezeńge deıin saqtaldy. Sońǵy mınýttarda Italııanyń bapkeri qaqpashyny alyp tastap, altynshy oıynshyny shyǵarady. Alaıda ony da sheber paıdala bilgen bizdiń hokkeıshiler bos turǵan qaqpaǵa úshinshi shaıbany kirgizdi. Ol da R.Starchenkonyń enshisinde. Osylaısha Qazaqstan quramasy «A» tobynyń kóshbasshysy - Italııany 3:0 esebimen utyp, kelesi jyly Álem chempıonaty aıasynda úzdikter qatarynda, ıaǵnı elıtalyq topta óner kórsetetin boldy.