Shaıbaly hokkeıden Álem chempıonatynda Qazaqstan quramasy jeńilisten kóz ashpady
ASTANA. 10 mamyr. QazAqparat - Fınlıandııa men Shvetsııa elderinde ótip jatqan shaıbaly hokkeıden Álem chempıonatynda Qazaqstannyń qurama komandasy kezekti tórtinshi kezdesýin ótkizip, Slovakııa hokkeıshilerinen utylyp qaldy.
Bul oıyn tartysty ótti. Álem chempıonatynda Qazaqstannyń namysyn qorǵap júrgen Evgenıı Rymarev pen Konstantın Pýshkarev esep tarazysyn eki ret teńestire bildi. Biraq oıynnyń sońynda qarsylastar bizdiń qaqpamyzǵa taǵy eki shaıba salyp, 4:2 esebimen jeńiske jetti.
Buǵan deıin Andreı Shaıanovtyń shákirtteri belarýstarmen kezdesken edi. Onda da Qazaqstannyń qurama komandasy 3:2 esebimen utylyp qaldy. Endi erteń, mamyrdyń 11-i kúni olar AQSh quramasymen kezdesedi.
