Shaıbaly hokkeıden álem chempıonatynda Qazaqstan Germanııadan jeńildi
NUR-SULTAN. QazAqparat - Shaıbaly hokkeıden álem chempıonatynda top-dıvızıonda Qazaqstan quramasy búgin, 22 mamyrda kezekti oıynyn Germanııaǵa qarsy ótkizdi, dep habarlaıdy QazAqparat tilshisi.
Búgingi oıynda qazaqstandyq hokkeıshiler tegeýrindi qarsylyq kórsetti. Aldymen Roman Starchenko 2-mınýtta mergendik tanytsa, 4-mınýtta germanııalyq Ionas Mıýller tarazy basyn teńestirdi. Odan keıin 15-mınýtta Egor Petýhov 15-mınýtta Qazaqstandy qaıtadan alǵa shyǵardy. Al Germanııa sapynan Leonard Pfederl 16, Danıel Fıshbýh 18-mınýtta gol soqty.
Ekinshi kezeńniń 25-mınýtynda germanııalyq Lýkas Raıhel óz quramasynyń basymdyǵyn arttyra tústi. Oǵan qazaqstandyq Pavel Akolzın 39-mınýtta esep aıyrmasyn qysqartty.
Úshinshi kezeńde Nıkıta Mıhaılıs 40-mınýtta tarazy basyn teńestirse, ıAsın Ehlız 47- mınýtta jeńis shaıbasyn soǵyp ketti.
Osylaısha Qazaqstan qarsylasyna 4:5 esebimen jol berdi.
Endi qazaqstandyq hokkeıshiler kelesi oıynyn 23 mamyrda Italııa quramasyna qarsy ótkizedi.
Aıta ketsek, álem chempıonaty 13-29 mamyr aralyǵynda Fınlıandııanyń Helsınkı jáne Tampere qalalarynda ótedi.
Qazaqstan quramasy A tobynda synǵa túsip jatyr. Qarsylastary - Kanada, Slovakııa, Germanııa, Danııa, Shveıtsarııa, Italııa jáne Frantsııa.
Eske salsaq, budan buryn qazaqstandyq hokkeıshiler Danııa, Frantsııa, Shveıtsarııa, Kanada jáne Slovakııa quramalarynan jeńildi.
