Shaıbaly hokkeıden Álem chempıonaty: Qazaqstannyń quramasy sońǵy oıynyn ótkizdi
ASTANA. 15 mamyr. QazAqparat - Keshe shaıbaly hokkeıden Álem chempıonaty aıasynda Qazaqstannyń qurama komandasy fın hokkeıshilerimen kezdesip, chempıonattyń sońǵy oıynynda 1:4 esebimen utyldy.
Matchtyń birinshi kezeńinde Andreı Shaıanovtyń shákirtteri qarsylastyń barlyq shabýyldaryna tótep bere bildi. Biraq keıingi ýaqytta qarsylastar qaqpashymyz Vıtalıı Kolesnıkti tórt márte qapy qaldyryp, alǵa shyqty. Qazaqstannyń quramasy bolsa, fınderdiń qaqpasyna bir-aq shaıbany sala aldy. Onyń avtory - Konstantın Pýshkarev.
Sonymen, shaıbaly hokkeıden Álem chempıonaty aıasynda Qazaqstan quramasy bir upaıǵa ıe bolyp, Birinshi dıvızıonǵa aýysty.
