Shaıbaly hokkeıden álem chempıonaty: Qazaqstan qyzdary Ulybrıtanııadan jeńildi
ASTANA. QazAqparat - Shaıbaly hokkeıden álem chempıonatyndaǵy alǵashqy kezdesýinde Qazaqstan áıelder quramasy Ulybrıtanııaǵa ese jiberdi, dep habarlaıdy QazAqparat tilshisi.
El quramasy 17-23 sáýir aralyǵynda Ońtústik Koreıanyń Sývon qalasynda birinshi dıvızıonnyń V tobynda synǵa túsedi.
Kezdesý barysynda alǵashqy eki kezeńde quramalar bir-biriniń qaqpasyna gol soǵa alǵan joq. Úshinshi kezeńde ulybrıtanııalyq hokkeıshiler engizgen jalǵyz gol kezdesý taǵdyryn sheshti.
El quramasy Ulybrıtanııa, Polsha, Slovenııa, Italııa jáne Ońtústik Koreıa hokkeıshilerimen A tobyna joldama alý úshin saıysady. Joǵary dıvızıonǵa jeńimpaz kóteriledi.
Endi qazaqstandyq hokkeıshiler 18 sáýirde Slovenııamen sheberlik baıqasady. Kezdesý elorda ýaqytymen 09:15-te bastalady.
