Shaıbaly hokkeıden álem chempıonaty: Qazaqstan qyzdary Slovenııaǵa ese jiberdi
ASTANA. QazAqparat - Shaıbaly hokkeıden álem chempıonatyndaǵy alǵashqy kezdesýinde Qazaqstan áıelder quramasy Slovenııaǵa ese jiberdi, dep habarlaıdy QazAqparat tilshisi.
Kezdesý barysynda slovenııalyq hokkeıshileri qatarynan eki gol soǵyp ketti. Oǵan qazaqstandyq qyzdar bir golmen jaýap qaıyrdy. Saldarynan qarsylasyna 1:2 esebimen jeńilip qaldy.
Qos qurama alǵashqy týrda jeńilip qalǵan edi. Qazaqstandyq hokkeıshiler Ulybrıtanııaǵa 0:1 esebimen ese jiberdi.
Al Slovenııaǵa Polsha 0:2 esebimen jol berdi.
El quramasy Ulybrıtanııa, Polsha, Slovenııa, Italııa jáne Ońtústik Koreıa hokkeıshilerimen A tobyna joldama alý úshin saıysady. Joǵary dıvızıonǵa jeńimpaz kóteriledi.
Aıta ketsek, 17-23 sáýir aralyǵynda Ońtústik Koreıanyń Sývon qalasynda birinshi dıvızıonnyń V tobynda oıyndar ótkiziledi.
Endi qazaqstandyq hokkeıshiler 20 sáýirde Italııamen sheberlik baıqasady. Kezdesý elorda ýaqytymen 12:45-te bastalady.
