Shaıbaly hokkeıden álem chempıonaty: Qazaqstan quramasynan kimder shaqyrý aldy
NUR-SULTAN. QazAqparat - Shaıbaly hokkeıden álem chempıonatynyń elıtalyq dıvızıonynda baq synaıtyn Qazaqstan quramasynyń tolyq quramy jarııalandy, dep habarlaıdy QazAqparat tilshisi.
Ulttyq quramanyń bas bapkeri Nıkıta Mıhaılıs 28 oıynshyǵa senim artty.
Olardyń qatarynda qaqpashylar - Henrık Karlsson, Andreı Shýtov, Nıkıta Boıarkın, qorǵaýshylar - Darren Dıts, Alekseı Maklıýkov, Ivan Stepanenko, Djessı Bleker, Vıktor Svedberg, Egor Shalapov, Samat Danııar, Valerıı Orehov jáne Kırıll Polohov bar. Al shabýylda Roman Starchenko, Evgenıı Rymarev, Anton Sagadeev, Pavel Akolzın, Aleksandr Shın, Saıan Danııar, Álıhan Áetov, Dmıtrıı Shevchenko, Nıkıta Mıhaılıs, Kırıll Panıýkov, Dmıtrıı Gýrkov, Kertıs Volk, Kırıll Savıtskıı, Arkadıı Shestakov, Artem Lıhotnıkov jáne Egor Petýhov oıyn kórsetedi.
Qazaqstandyq hokkeıshiler V tobynda Kanada, Fınlıandııa, AQSh, Germanııa, Norvegııa, Italııa jáne Latvııa quramalarymen sheberlik baıqasady.
Al A tobynda Shvetsııa, Chehııa, Shveıtsarııa, Slovakııa, Danııa, Belarýs, Ulybrıtanııa jáne Reseı bar.
Aıta keteıik, dúbirli doda bıyl Belarýs astanasy - Mınsk, Latvııa astanasy - Rıga qalalarynda 21 mamyr jáne 6 maýsym aralyǵynda ótkizilýi tıis bolatyn.
Álemniń kóptegen memleketteri men demeýshiler Belarýstegi saıası jaǵdaıdyń turaqsyz bolýyna baılanysty ony tizimnen alyp tastaý jóninde usynys bildirgen.
Osyndaı usynystardy eskere kele Halyqaralyq shaıbaly hokkeı federatsııasy álem chempıonatynyń fınaldyq kezeńi Belarýste ótpeıtinin málimdedi.
