Shaıbaly hokkeıden Álem chempıonaty: Qazaqstan quramasy Ońtústik Koreıadan basym tústi
ASTANA. 19 sáýir. QazAqparat - Búgin shaıbaly hokkeıden Álem chempıonaty aıasynda Qazaqstannyń hokkeıshileri Ońtústik Koreıa quramasyn utty.
Vengrııanyń Býdapesht qalasynda ótken matchta Roman Starchenko eki birdeı shaıbanyń avtory atansa, Talǵat Jaılaýov pen komanda kapıtany Alekseı Troşınskıı qarsylastyń qaqpasyna bir-bir shaıbadan salyp ketti. Oıyn barysynda kárister esepti eki shaıbaǵa qysqartty. Bul joly Qazaqstannyń qaqpasyn qorǵaǵan Pavel Polýektov taǵy bir býllıt-shaıbany qaıtara bildi. Qorytyndy esep - 4:2. Búgingi oıyndy túngi saǵat 23:45-te «Qazaqstan» ulttyq telearnasynan kórýge bolady.
Aıta keteıik, buǵan deıin bizdiń hokkeıshiler Vengrııa quramasynan 2:1 esebimen utylǵan bolatyn. Sol sebepti chempıonattyń «A» dıvızıonynda joǵary satyǵa kóterilý úshin Ońtústik Koreıa men Italııa komandalaryn jeńý kerek. Birinshi mindet oryndaldy. Endi, Italııa quramasyn utý qajet.
