Shaıbaly hokkeıden álem chempıonaty: Qazaqstan quramasy búgin Slovenııamen kezdesedi
Atalǵan oıyn elorda ýaqytymen 23:20-da bastalyp, Qazsport telearnasynan tikeleı efırde kórsetiledi.
Eki qurama buǵan deıin on bir márte kezdesti. Segiz oıynda Qazaqstan, úsheýinde jeńiske jetti.
Slovenıııa quramasy álem chempıonatyna 18 márte qatysyp otyr. Ázirge joǵary jetistigi - 2002, 2005 jyldarda 13 orynǵa ıe bolýy.
Qazaqstandyq hokkeıshiler bıylǵy álem chempıonatynda alty kezdesý ótkizdi. Buǵan deıin býllıtten Norvegııany 4:3 esebimen jeńdi.
Odan keıin Chehııadan 1:5, Shveıtsarııadan 0:5, Kanadadan 1:5 esebimen jeńilip qaldy.
Al Slovakııany býllıtten 4:3 esebimen tize búktirse, Latvııaǵa 0:7 esebimen jol berdi.
Eske salsaq, el quramasy álem chempıonatynyń elıtalyq dıvızıondaǵy ornyn saqtap qaldy.
Qazaqstandyq hokkeıshiler alty oıynnan keıin tórt upaı jınady.
Al Slovenııa qatarynan alty kezdesýde qarsylastaryna ese jiberip, birde-bir upaıǵa ıe bolǵan joq.
Atalǵan oıynda slovenııalyq hokkeıshiler jeńiske jetken jaǵdaıda da qazaqstandyqtardy basyp oza almaıdy.
Sondaı-aq, V tobynda búgin Kanada - Norvegııa quramalary kezdesedi.
A tobynda Danııa - Shvetsııa, Avstrııa - Vengrııa quramalary oınaıdy.