Shaıbaly hokkeıden álem chempıonaty: Qazaqstan quramasy búgin Slovakııamen kezdesedi

ASTANA. QazAqparat - Shaıbaly hokkeıden 2023 jylǵy álem chempıonatynyń elıtalyq dıvızıonynda búgin, 19 mamyrda Qazaqstan quramasy Slovakııamen kezdesedi, dep habarlaıdy QazAqparat tilshisi.

Atalǵan oıyn elorda ýaqytymen 23:20-da bastalyp, Qazsport telearnasynan tikeleı efırde kórsetiledi.

Eki qurama buǵan deıin segiz márte kezdesti. Bir oıynda Qazaqstan, altaýynda Slovakııa jeńiske jetse, bir kezdesý teń aıaqtaldy.

Slovakııa 2002 jyly álem chempıony atansa, 2000, 2012 jyly kúmis, 2013 jyly qola medal aldy.

Qazaqstandyq hokkeıshiler qazirge deıin tórt kezdesý ótkizdi. Buǵan deıin býllıtten Norvegııany 4:3 esebimen jeńdi.

Odan keıin Chehııadan - 1:5, Shveıtsarııadan - 0:5, Kanadadan 1:5 esebimen jeńilip qaldy.

Al Slovakııa Chehııadan 2:3, Shveıtsarııadan 2:4, Kanadadan býllıtten 1:2 esebimen jeńilse, Latvııany 2:1 esebimen tize búktirdi.

Sondaı-aq, atalǵan topta búgin Latvııa - Slovenııa quramalary kezdesedi.

A tobynda Vengrııa - Fınlıandııa, Avstrııa - Germanııa quramalary oınaıdy.