Shaıbaly hokkeıden ÁCh: Qazaqstan pleı-off kezeńine shyǵýǵa jaqyn tur
NUR-SULTAN. QazAqparat - Shaıbaly hokkeıden 2021 jylǵy álem chempıonatynyń elıtalyq dıvızıonynda, búgin 31 mamyrda Qazaqstan quramasy birinshi kezeńnen keıin Norvegııadan basym túsýde, dep habarlaıdy QazAqparat tilshisi.
Búgin ótken kezdesýde qos qurama da alǵa umtyldy. Degenmen qaqpaǵa baǵyttalǵan shaıba dittegen jerine jetpeı jatty. Al 16-mınýtta qazaqstandyq Dmıtrıı Shevchenko mergendik tanytyp, óz quramasyn alǵa shyǵardy.
Birinshi kezeńnen keıin Qazaqstan qarsylasynan 1:0 esebimen basym túsýde. Búgin jeńiske jetse olar bir týr buryn pleı-off kezeńine shyǵýǵa qol jetkizedi.
Eki qurama buǵan deıin bes márte kezdesti. Onyń ekeýinde qazaqstandyq qurama basymdyq tanytsa, úsheýinde norvegııalyq hokkeıshiler myqty ekenin kórsetti.
Aıta keterligi, búgin negizgi kezeńde jeńiske jetken jaǵdaıda Qazaqstan quramasynyń pleı-off kezeńine shyǵýyna múmkindigi bar. Buǵan deıin qazaqstandyq hokkeıshiler býllıtten Latvııany 3:2, Fınlıandııany 2;1, negizgi kezeńde Germanııany 3:2, Italııany 11:3 esebimen jeńdi. Al AQSh-qa 0:3, Kanadaǵa 2:4 esebimen jol berdi.
Osylaısha alty oıynnan keıin on upaı jınaǵan Qazaqstan quramasy týrnır kestesinde úshinshi orynda tur. Pleı-off kezeńine shyǵýyna múmkindi bar.
Al alty oıynnan keıin bes upaı jınaǵan Norvegııa jetinshi orynǵa jaıǵasqan. Olardyń jarysty jalǵastyrý múmkindiginen qol úzip qaldy.
