Shaıbaly hokkeıden ÁCh: Qazaqstan Latvııadan oısyra jeńildi

ASTANA. QazAqparat - Shaıbaly hokkeıden 2023 jylǵy álem chempıonatynyń elıtalyq dıvızıonynda Qazaqstan quramasy Latvııamen kezdesti, dep habarlaıdy QazAqparat tilshisi.

Kezdesý barysynda quramalar tartysty oıyn ótkizdi. Negizinen latvııalyq hokkeıshilerdiń belsendiligi aıqyn ańǵarylyp turdy. Nátıjesinde birinshi kezeńde qazaqstandyq qurama qaqpasyna eki shaıba soǵyp ketti. Bul goldardy Rıhard Býkarts - 15, Oskar Bagnıa 17-mınýtta óz enshisine jazdy.

Ekinshi kezeńde latvııalyqtar Martınysh Dzıerkals - 21, Rodrıgo Abols - 29, Mıks Indrashıs 39-mınýtta gol soqty.

Al úshinshi kezeńde latvııalyq Kaspars Daýgavınsh - 49, Rodrıgo Abols 51-mınýtta kózdegen nysanadan múlt ketken joq.

Osylaısha Qazaqstan qarsylasyna 0:7 esebimen jol berdi.

Aıta keteıik, Qazaqstandyq hokkeıshiler bıylǵy álem chempıonatynda bes kezdesý ótkizdi. Buǵan deıin býllıtte Norvegııany 4:3 esebimen jeńdi.

Odan keıin Chehııadan 1:5, Shveıtsarııadan 0:5, Kanadadan 1:5 esebimen jeńilip qaldy.

Al Slovakııany býllıtte 4:3 esebimen tize búktirdi.

Endi qazaqstandyq hokkeıshiler 22 mamyrda Slovenııamen kezdesedi.

20 mamyrda ótken ózge oıyn nátıjeleri tómendegishe:

A toby

AQSh - Danııa 3:0

Avstrııa - Fınlıandııa 1:3

Shvetsııa - Frantsııa 4:0

V toby

Norvegııa - Chehııa 0:2

Kanada - Shveıtsarııa 2:3