Shaıbaly hokkeıden ÁCh: Qazaqstan qyzdary Ońtústik Koreıadan jeńildi

ASTANA. QazAqparat - Shaıbaly hokkeıden álem chempıonatynda Qazaqstan áıelder quramasy Ońtústik Koreıamen kezdesti, dep habarlaıdy QazAqparat tilshisi.

Kezdesý barysynda quramalar tartysty oıyn ótkizdi. Alǵashqy eki kezeńde olar bir-birden shaıba soqty. Aldymen koreılik hokkeıshi Sý Chjın Han 4-mınýtta esep ashsa, oǵan qazaqstandyq Larısa Svırıdova 9-mınýtta bir shaıbamen jaýap qaıyrdy.

Oıynnyń 57-mınýtynda Hı Von Kım jeńis shaıbasyn soǵyp ketti.

Osylaısha, qazaqstandyq hokkeıshiler qarsylasyna 1:2 esebimen jol berdi.

Aıta ketsek, Ońtústik Koreıanyń Sývon qalasynda 17-23 sáýir aralyǵynda birinshi dıvızıonnyń V tobynda oıyndar ótti.

Eske salsaq, buǵan deıin qazaqstandyq hokkeıshiler Ulybrıtanııaǵa 0:1, Slovenııaǵa 1:2, Italııaǵa 0:3, Polshaǵa 2:3 esebimen ese jiberdi.

Toptyq kezeńde 14 upaı jınap, birinshi oryn alǵan Ońtústik Koreıa joǵary dıvızıonǵa joldama aldy.