Shaıbaly hokkeıden ÁCh: Qazaqstan quramasy Shveıtsarııaǵa ese jiberdi
ASTANA. QazAqparat - Shaıbaly hokkeıden 2023 jylǵy álem chempıonatynyń elıtalyq dıvızıonynda Qazaqstan quramasy Shveıtsarııamen kezdesti, dep habarlaıdy QazAqparat tilshisi.
Búgingi kezdesýde birinshi kezeńde shveıtsarııalyq hokkeıshiler belsendi oıyn kórsetti. Birinshi kezeńde olardyń qatarynan Tobıas Gaısser kózdegen nysanadan múlt ketken joq.
Odan keıin Fabrıs Hertsog 27, Damen Rıa 30, Nıno Nıderraıter 40, Romen Leffel 49-mınýtta esepti ústemeleı tústi.
Osylaısha Qazaqstan quramasy qarsylasyna 0:5 esebimen ese jiberdi.
Endi olar 17 mamyrda Kanadamen kezdesedi.
V tobynda synǵa túsip jatqan qazaqstandyq hokkeıshiler buǵan deıin býllıtten Norvegııany 4:3 esebimen jeńse, Chehııadan 1:5 esebimen jeńilip qaldy.
Aıta ketsek, álem chempıonaty 12 mamyrdan Latvııanyń Rıga jáne Fınlıandııanyń Tampere qalalarynda bastaldy.
Toptyq kezeń 12 jáne 23 mamyr aralyǵyna belgilengen. Fınal 28 mamyrda bolady.
