Shaıbaly hokkeıden ÁCh: Qazaqstan quramasy oıyndary tikeleı efırde kórsetiledi
NUR-SULTAN. QazAqparat - Shaıbaly hokkeıden 2021 jylǵy álem chempıonatynyń elıtalyq dıvızıonynda Qazaqstan quramasynyń qatysýymen ótetin oıyndardyń barlyǵy tikeleı efırde kórsetiledi, dep habarlaıdy QazAqparat tilshisi.
Bul týraly Qazaqstan hokkeı federatsııasy málim etti.
Qazaqstandyq jankúıerler ulttyq qurama oıyndaryn Qazsport telearnasynan tikeleı efırde tamashalaı alady. Ol elorda ýaqytymen belgilengen.
Esterińizge sala ketelik, álem chempıonaty Lıtvada 21 mamyr jáne 6 maýsym aralyǵynda ótkiziledi. Qazaqstandyq hokkeıshiler V tobynda Kanada, Fınlıandııa, AQSh, Germanııa, Norvegııa, Italııa jáne Latvııa quramalarymen sheberlik baıqasady.
Qazaqstan quramasynyń qatysýymen ótetin oıyndar kestesi tómendegishe:
22 mamyr
23.15 Latvııa - Qazaqstan
23 mamyr
19.15 Qazaqstan - Fınlıandııa
25 mamyr
19.15 AQSh - Qazaqstan
26 mamyr
19:15 Qazaqstan - Germanııa
28 mamyr
19:15 Qazaqstan - Kanada
29 mamyr
15:15 Italııa - Qazaqstan
31 mamyr
23:15 Norvegııa - Qazaqstan.
Al A tobynda Shvetsııa, Chehııa, Shveıtsarııa, Slovakııa, Danııa, Belarýs, Ulybrıtanııa jáne Reseı bar.
Qazaqstan hokkeıshileri álemniń úzdik quramalarymen birge bes jyldyq úzilisten keıin synǵa túskeli otyr. Sońǵy ret 2016 jyly elıtalyq dıvızıonda muz aıdynǵa shyqty.
Álem chempıonatynda Qazaqstan quramasy kapıtany mindetin Álıhan Ásetov atqarady. Al Roman Starchenko men Darren Dıts vıtse-kapıtan bolady.
