Shaıbaly hokkeıden ÁCh: Qazaqstan quramasy Norvegııamen kezdesedi

ASTANA. QazAqparat - Shaıbaly hokkeıden 2023 jylǵy álem chempıonatynyń elıtalyq dıvızıonynda búgin, 13 mamyrda, Qazaqstan quramasy Norvegııamen kezdesedi, dep habarlaıdy QazAqparat tilshisi.

Atalǵan oıyn elorda ýaqytymen 20.30-da bastalyp, Qazsport telearnasynan tikeleı efırde kórsetiledi.

Quramalar V tobynda synǵa túsedi. Qarsylastary - Kanada, Slovenııa, Chehııa, Shveıtsarııa, Slovakııa, Latvııa.

Eki qurama buǵan deıin alty márte kezdesti. Onyń bireýinde qazaqstandyq hokkeıshiler jeńiske jetse, qalǵanynda Norvegııa quramasynyń mereıi ústem boldy.

Norvegııalyq qurama álem chempıonatyna 68 márte qatysyp otyr. Joǵary jetistigi - 1951 jylǵy álem chempıonatyndaǵy tórtinshi oryn.

Atalǵan quramanyń hokkeıshileriniń negizgi bóligi óz eliniń birinshiligindegi klýbtarda oıyn kórsetedi. Sondaı-aq, AQSh, Shvetsııa, Germanııa, Fınlıandııa klýbtarynda oınaıtyn hokkeıshiler bar.

Byltyr olar A tobynda jetinshi oryndy mise tutty.

Aıta ketsek, álem chempıonaty 12 mamyrdan bastap Latvııanyń Rıga jáne Fınlıandııanyń Tampere qalalarynda ótkiziledi. Toptyq kezeń 12 jáne 23 mamyr aralyǵyna belgilengen. Fınal 28 mamyrda bolady.

Eske salsaq, budan buryn álem chempıonatyna qatysatyn Qazaqstan quramasynyń hokkeıshileri anyqtaldy.