Shaıbaly hokkeıden ÁCh: Qazaqstan quramasy Italııamen kezdesedi
NUR-SULTAN. QazAqparat - Shaıbaly hokkeıden 2021 jylǵy álem chempıonatynyń elıtalyq dıvızıonynda búgin, 29 mamyrda Qazaqstan quramasy Italııamen kezdesedi, dep habarlaıdy QazAqparat tilshisi.
Atalǵan oıyn elorda ýaqytymen 15.15-te bastalyp, Qazsport telearnasynan tikeleı efırde kórsetiledi.
Eki qurama buǵan deıin jeti márte kezdesti. Onyń úsheýinde ıtalıandyq hokkeıshiler jeńiske jetse, qalǵanynda qazaqstandyq quramanyń mereıi ústem boldy.
Eske salsaq, Qazaqstan quramasy bıylǵy týrnırde buǵan deıin bes kezdesý ótkizip, úsheýinde jeńiske jetti. Aldymen býllıtten Latvııadan 2:1, Fınlıandııadan 3:2 esebimen basym tússe, odan keıin AQSh-qa 0:3 esebimen ese jiberdi. Tórtinshi kezdesýde Germanııany 3:2 esebimen tize búktirip, odan keıin Kanadaǵa 2:4 esebimen jol berdi.
Al Italııa tórt kezdesýdiń barlyǵynda jeńilistiń aşy dámin tatyp, Germanııaǵa 49, Norvegııaǵa 1:4, Latvııa men Fınlıandııaǵa 0:3 esebimen jol berdi. Týrnır kestesinde segizinshi orynda mise tutty.
