Shaıbaly hokkeıden ÁCh: Qazaqstan quramasy Chehııaǵa ese jiberdi
Chehııalyq qurama álemde joǵary baǵalanady. Jylma-jyl úzdikter qatarynan kórinip keledi. Byltyr qola júlde alǵan qurama alty márte chempıon atansa, bir márte ekinshi orynǵa jaıǵasty.
Sondyqtan búgingi kezdesý qazaqstandyq hokkeıshiler úshin ońaıǵa soqpaıtyny belgili edi. Dese de oǵan qaramastan el quramasy jınaqy oıyn kórsete bildi.
Oıynnyń birinshi kezeńinde chehııalyq quramadan ıAkýb Zborjıl 8, Domınık Kýbalık 15-mınýtta eki shaıba soǵyp ketti. Oǵan Maksım Mýhametov 31-mınýtta bir shaıbamen jaýap qaıyrdy.
Úshinshi kezeńde chehııalyq qurama basymdyǵyn arttyra tústi. Nátıjesinde olardyń qatarynan Lýkash Sedlak 41, ıAn Koshtıalek 45, Domınık Kýbalık 58-mınýtta kózdegen nysanadan múlt ketken joq.
Osylaısha Qazaqstan quramasy qarsylasyna 1:5 esebimen ese jiberdi.
Endi qazaqstandyq hokkeıshiler aldaǵy oıynyn 16 mamyrda Shveıtsarııaǵa qarsy ótkizedi.
Eske salsaq, budan buryn el quramasy býllıten Norvegııany 4:3 esebimen jeńip ketti.
Quramalar synǵa túsetin V tobynda 14 mamyrda Kanada Slovenııany 5:2 esebimen jeńse, Shveıtsarııa Norvegııadan 3:0 esebimen basym tústi.
Al A tobynda 14 mamyrda AQSh quramasy Vengrııany 7:1, Danııa overtaımda Frantsııany 4:3, Shvetsııa Avstrııany 5:0 esebimen tize búktirdi.