Shaıbaly hokkeıden ÁCh: Qazaqstan quramasy búgin Chehııamen kezdesedi

ASTANA. QazAqparat - Shaıbaly hokkeıden 2023 jylǵy álem chempıonatynyń elıtalyq dıvızıonynda búgin, 14 mamyrda, Qazaqstan quramasy Chehııamen kezdesedi, dep habarlaıdy QazAqparat tilshisi.

Atalǵan oıyn elorda ýaqytymen 23:20-da bastalyp, Qazsport telearnasynan tikeleı efırde kórsetiledi.

Quramalar V tobynda synǵa túsedi. Qarsylastary - Kanada, Slovenııa, Chehııa, Shveıtsarııa, Slovakııa, Latvııa.

Alǵashqy kezdesýinde chehııalyq qurama Slovakııany 3:2 esebimen súrindirse, Qazaqstan býllıtte Norvegııany 4:3 esebimen jeńdi.

Eki qurama buǵan deıin tórt márte kezdesti. Barlyq oıynda Chehııa quramasynyń mereıi ústem boldy.

Atalǵan quramanyń hokkeıshileriniń negizgi bóligi óz eliniń birinshiligindegi klýbtarda oıyn kórsetedi. Sondaı-aq, AQSh, Shvetsııa, Reseı, Fınlıandııa klýbtarynda oınaıtyn hokkeıshiler bar.

Byltyr olar álem chempıonatynda úzdik úshtikten kórindi.

Sondaı-aq, búgin V tobynda Slovenııa - Kanada, Norvegııa - Shveıtsarııa quramalary sheberlik baıqasady.

Al A tobynda AQSh - Vengrııa, Frantsııa - Danııa, Shvetsııa - Avstrııa oınaıdy.

Aıta ketsek, álem chempıonaty 12 mamyrdan Latvııanyń Rıga jáne Fınlıandııanyń Tampere qalalarynda bastaldy.

Toptyq kezeń 12 jáne 23 mamyr aralyǵyna belgilengen. Fınal 28 mamyrda bolady.