Shaıbaly hokkeıden ÁCh: Qazaqstan quramasy AQSh-qa ese jiberdi
NUR-SULTAN. QazAqparat - Shaıbaly hokkeıden 2021 jylǵy álem chempıonatynyń elıtalyq dıvızıonynda búgin Qazaqstan quramasy úshinshi oıynyn AQSh-pen ótkizdi, dep habarlaıdy QazAqparat tilshisi.
Búgingi kezdesýde de qazaqstandyq hokkeıshiler qarsylasymen terezesi teń deńgeıde oıyn kórsetti. Dese de tájirıbeli hokkeıshilerden jınaqtalǵan amerıkandyq qurama keıbir jaǵdaıda basymdyq tanytyp jatty.
Oıynnyń birinshi kezeńiniń 6-mınýtynda Adam Klendenıng esep ashsa, ekinshi kezeńniń 21-mınýtynda Trevor Mýr esepti ústemeleı tústi.
Úshinshi kezeńde de amerıkandyq qurama basymdyǵyn arttyra tústi. Nátıjesinde 41-mınýtta Djek Drýrı mergendik tanytty. Osylaısha Qazaqstan quramasy qarsylasyna 0:3 esebimen ese jiberdi.
Eske salsaq, budan buryn qazaqstandyq hokkeıshiler alǵashqy eki oıynda basym tústi. Aldymen Latvııany býllıten 3:2 esebimen jeńse, odan keıin Fınlıandııany býllıten 2:1 esebimen tize búktirdi.
Endi qazaqstandyq hokkeıshiler kelesi oıynyn 26 mamyrda Germanııa quramasyna qarsy ótkizedi. Al AQSh quramasy 27 mamyrda Latvııamen sheberlik baıqasady.
