Shaıbaly hokkeıden ÁCh: Germanııa alǵash ret jeńiske jetti

ASTANA. QazAqparat - Shaıbaly hokkeıden 2023 jylǵy álem chempıonatynyń elıtalyq dıvızıonynda Shvetsııa tórtinshi jeńisine jetti, dep habarlaıdy QazAqparat tilshisi.

A tobynda synǵa túsip jatqan shvetsııalyq hokkeıshiler 18 mamyrda Vengrııany 7:1 esebimen súrindirdi. Bul - olardyń qatarynan tórtinshi jeńisi. Nátıjesinde týrnır kestesinde ekinshi orynǵa kóterildi.

Atalǵan topta Germanııa Danııany 6:4 esebimen jeńip, álem birinshiligindegi alǵashqy jeńisine qol jetkizdi.

Sondaı-aq, Qazaqstan quramasy oınaıtyn V tobynda Chehııa Slovenııany 6:2 esebimen jeńse, Shveıtsarııa Slovakııany 4:2 esebimen tize búktirdi.

Qazaqstandyq hokkeıshiler qazirge deıin tórt kezdesý ótkizdi. Buǵan deıin býllıtten Norvegııany 4:3 esebimen jeńdi.

Odan keıin Chehııadan 1:5, Shveıtsarııadan 0:5, Kanadadan 1:5 esebimen jeńilip qaldy.

Endi qazaqstandyq hokkeıshiler 19 mamyrda Slovakııamen kezdesedi.