Shaıbaly hokkeıden ÁCh: Ekinshi kezeńnen keıin Qazaqstan 3:1 esebimen alda tur
NUR-SULTAN. QazAqparat - Shaıbaly hokkeıden 2021 jylǵy álem chempıonatynyń elıtalyq dıvızıonynda búgin, 29 mamyrda Qazaqstan jáne Italııa quramalary arasyndaǵy kezdesýdiń ekinshi kezeńi aıaqtaldy, dep habarlaıdy QazAqparat tilshisi.
Búgin qos qurama qarqyndy oıynymen kózge túsýde. Alǵashqy kezeńde qazaqstandyq hokkeıshilerdiń basymdyǵy baıqalyp turdy. Nátıjesinde 2-mınýtta Roman Starchenko Qazaqstan quramasyn alǵa shyǵarsa, 24-mınýtta ıtalıandyq Andjelo Mıchelı óziniń múmkindigin múlt jibergen joq. Al 32-mınýtta qazaqstandyq Egor Petýhov qaqpa toryn dál kózdese, Evgenıı Rymarev 35-mınýtta mergendik tanytty. Esep 3:1. Qazaqstan quramasy ázirge alda tur.
Eske salsaq, eki qurama buǵan deıin jeti márte kezdesti. Onyń úsheýinde ıtalıandyq hokkeıshiler jeńiske jetse, qalǵanynda qazaqstandyq quramanyń mereıi ústem boldy.
