Shaıbaly hokkeıden ÁCh: Búgin Qazaqstan quramasy Germanııamen kezdesedi
NUR-SULTAN. QazAqparat - Shaıbaly hokkeıden 2021 jylǵy álem chempıonatynyń elıtalyq dıvızıonynda búgin, 26 mamyrda Qazaqstan quramasy Germanııamen kezdesedi, dep habarlaıdy QazAqparat tilshisi.
Atalǵan oıyn elorda ýaqytymen 19.05-te bastalyp, «Qazsport» telearnasynan tikeleı efırde kórsetiledi.
Eki qurama buǵan deıin atalǵan týrnırde bes márte kezdesti. Onyń ekeýinde qazaqstandyq hokkeıshiler jeńiske jetse, úsheýinde nemis quramasynyń mereıi ústem boldy.
Eske salsaq, Qazaqstan quramasy buǵan deıin úsh kezdesý ótkizip, ekeýinde jeńiske jetti. Aldymen býllıtten Latvııadan 2:1, Fınlıandııadan 3:2 esebimen basym tússe, odan keıin AQSh-qa 0:3 esebimen ese jiberdi.
Al Germanııa alǵashqy úsh kezdesýiniń barlyǵynda jeńiske qol jetkizip, Italııany 9:4, Norvegııany 5:1, Kanadany 3:1 esebimen tize búktirdi. Olar týrnır kestesinde kósh bastap tur.
