Shaıbaly hokkeıden ÁCh: Búgin Qazaqstan quramasy AQSh-pen kezdesedi
NUR-SULTAN. QazAqparat - Shaıbaly hokkeıden 2021 jylǵy álem chempıonatynyń elıtalyq dıvızıonynda búgin, 25 mamyrda Qazaqstan quramasy AQSh-pen kezdesedi, dep habarlaıdy QazAqparat tilshisi.
Atalǵan oıyn elorda ýaqytymen 19.05-te bastalyp, «Qazsport» telearnasynan tikeleı efırde kórsetiledi.
Eki qurama buǵan deıin atalǵan týrnırde bes márte kezdesti. Onyń barlyǵynda amerıkalyq hokkeıshiler jeńiske jetti. Aıta keterligi, olar álem chempıonatynda 1970, 1974, 1983 jyldary jeńimpaz atandy.
Bıylǵy týrnırde qazaqstandyq hokkeıshiler alǵashqy eki oıynda basym tústi. Aldymen Latvııany býllıten 3:2 esebimen jeńse, odan keıin Fınlıandııany býllıten 2:1 esebimen tize búktirdi.
Al AQSh quramasy alǵashqy oıynynda Fınlıandııaǵa 1:2 esebimen ese jiberse, ekinshi kezdesýde Kanadadan 5:1 esebimen basym tústi.
