Shaıbaly hokkeıden 2026 jylǵy Álem chempıonaty qaıda ótetini belgili boldy
NUR-SULTAN. QazAqparat - Shaıbaly hokkeıden 2026 jylǵy álem chempıonaty qaıda ótetini belgili boldy, dep habarlaıdy QazAqparat tilshisi.
Atalǵan týrnır 2026 jyly 15-31 mamyr aralyǵynda Shveıtsarııanyń Tsıýrıh jáne Frıbýrg qalalarynda ótkiziledi.
Bul sheshim Halyqaralyq shaıbaly hokkeı federatsııasynyń kongresinde qabyldandy.
Shveıtsarııa budan buryn 2020 jyly Álem chempıonatyn qabyldaýǵa nıet bildirgen edi. Dúnıejúzin jaılaǵan koronavırýs pandemııasyna baılanysty dúbirli doda ótpeıtin bolyp sheshilgen.
Eske salsaq, budan buryn aldaǵy úsh jylda hokkeıden Álem chempıonaty qaıda ótetinin jazǵanbyz.
