Shaıbaly hokkeıden 2024 jylǵy álem chempıonatynda toptyq quramda ózgeris boldy

ASTANA. QazAqparat - Shaıbaly hokkeıden 2024 jylǵy álem chempıonatynda quramalardyń toptarǵa bólinýi naqtylandy. Qazaqstan quramasy synǵa túsetin A tobynda Kanadany AQSh quramasy almastyrdy, dep habarlaıdy QazAqparat tilshisi.

Álemdik doda 2024 jyldyń 10- 26 mamyry aralyǵynda Chehııanyń Praga jáne Ostrava qalalarynda ótkiziledi.

Álem chempıonatynda A tobynda (Ostrava) AQSh, Germanııa,

Shvetsııa, Slovakııa, Latvııa, Frantsııa, Qazaqstan, Polsha quramalary synǵa túsedi.

Al V tobynda (Praga) Fınlıandııa, Kanada, Shveıtsarııa, Chehııa, Danııa, Norvegııa, Avstrııa men Ulybrıtanııa sheberlik baıqasady.

2023 jylǵy álem chempıonaty aıaqtalǵannan keıin Halyqaralyq shaıbaly hokkeı federatsııasy (IIHF) 2024 jylǵy álem chempıonatynyń toptyq kezeńdegi aldyn ala nusqasyn jarııalaǵan edi. Sońǵy nusqasynda AQSh pen Kanada oryn almasty, basqa ózgeris joq.

Aıta ketsek, 2023 jylǵy álem chempıonatynda Kanada jeńimpaz tuǵyryna kóterilse, Germanııa ekinshi oryn aldy. Úzdik úshtikti Latvııa quramasy túıindedi.