Shaıbaly hokkeıden 2024 jylǵy álem chempıonattary qaıda ótedi
Aldaǵy jyly jasóspirimder arasyndaǵy álem chempıonaty Fınlıandııanyń Espoo jáne Vantaa qalalarynda 25 sáýir men 5 mamyr aralyǵynda ótedi. Bul boıynsha túsken jalǵyz ótinim atalǵan el tarapynan jasalǵan edi.
Qazaqstandyq hokkeıshiler V tobynda synǵa túsedi. Qarsylastary – Kanada, Shvetsııa, Shveıtsarııa jáne Chehııa.
Al A tobynda AQSh, Fınlıandııa, Slovakııa, Latvııa jáne Norvegııa.
Aıta ketsek, 2023 jyldyń sáýirinde Frantsııada ótken álem chempıonatynyń birinshi dıvızıonynda qazaqstandyq hokkeıshiler top-dıvızıonǵa berilgen joldamaǵa qol jetkizdi. Osylaısha olar 21 jyldan keıin álemniń 10 úzdik quramasynyń qatarynda oıyn kórsetýge múmkindik aldy. Sońǵy ret elimizdiń jasóspirimder quramasy 2003 jyly Reseıdiń ıAroslavl qalasynda ótken álem chempıonatynda top-dıvızıonda synǵa túsken edi.
2023 jyldyń 10-16 jeltoqsany aralyǵynda Vengrııa astanasy Býdapesht qalasynda jastar arasyndaǵy álem chempıonaty jalaýyn kóteredi. Dúbirli dodany ótkizýge Avstrııa da nıet bildirgen edi.
Qazaqstandyq hokkeıshiler elıtalyq dıvızıonǵa beriletin joldamaǵa ıe bolý úshin Avstrııa, Frantsııa, Vengrııa, Danııa jáne Japonııamen kúsh synasady.
Áıelder arasyndaǵy álem chempıonaty 2024 jyldyń 18-24 mamyr aralyǵynda Ispanııa astanasy Madrıd qalasynda ótedi. Qazaqstan quramasynyń qarsylastary – Ispanııa, Meksıka, Qytaılyq Taıbeı, Islandııa jáne Belgııa. Quramalar birinshi dıvızıon joldamasyn sarapqa salady.
Al elimizdiń 18 jasqa deıingi jasóspirim qyzdar quramasy Nıderlandtyń Herenven qalasynda ekinshi dıvızıonnyń A tobynda Qytaı, Latvııa, Nıderland, Ulybrıtanııa jáne Túrkııamen oınaıdy. Oıyndar 2024 jyldyń 15-21 mamyr aralyǵynda bolady.
Eske salsaq, 2023, 2024, 2025 jáne 2026 jyldary elıtalyq dıvızıonda erler arasyndaǵy álem chempıonat tary qaıda ótetini belgili bolǵan edi. Bıylǵy birinshilik 12 mamyr kúni bastalyp ketti. Sondaı-aq bıyl 2027 jylǵy hokkeıden álem chempıonaty uımdastyrylatyn el anyqtaldy.
Aıta keteıik, Qazaqstan quramasy bıyl elıtalyq dıvızıondaǵy ornyn saqtap qaldy.