Shaıbaly hokkeıden 2023 jylǵy álem chempıonaty Sankt-Peterbýrgte ótedi
NUR-SULTAN. QazAqparat - Halyqaralyq hokkeı federatsııasynyń kongresi 2023 jylǵy álem chempıonatyn Sankt-Petebýrgte ótkizý týraly sheshim qabyldady, dep habarlaıdy IIHF baspasóz qyzmeti.
Álemdik dodany ótkizý úshin arnaıy arena salynbaq. 2023 jylǵa qaraı qoldanysqa beriletin keshe 21500-23000 adamǵa arnalǵan. Zamanaýı keshende sportshylar men qyzmetkerlerge barlyq jaǵdaı jasalady.
Al ekinshi arena - «SKA» hokkeı klýbynyń matchtary ótetin «Muz saraıy». Arena 2000 jylǵy álem chempıonaty qarsańynda salynǵan jáne 12 myń jankúıerdi erkin syıdyra alady.
Eske sala keteıik, 2020 jylǵy álemdik syn Shveıtsarııada, 2021 jylǵy doda Belarýs pen Latvııada, 2022 jylǵy álem chempıonaty Fınlıandııada ótedi.
