Shaıbaly hokkeıden 2023 jylǵy álem chempıonaty: Qazaqstannyń qarsylastary anyqtaldy
ASTANA. QazAqparat - Shaıbaly hokkeıden Qazaqstan quramasynyń 2023 jylǵy álem chempıonatyndaǵy qarsylastary anyqtaldy, dep habarlaıdy QazAqparat tilshisi.
Aıta ketsek, atalǵan týrnır aldaǵy jyldyń 12-28 mamyry aralyǵynda Latvııanyń Rıga, Fınlıandııanyń Tampere qalalarynda ótkiziledi.
Qazaqstandyq hokkeıshiler V tobynda synǵa túsedi. Qarsylastary – Kanada, AQSh, Shveıtsarııa, Slovakııa, Latvııa, Norvegııa jáne Slovenııa.
Al A tobynda Fınlıandııa, Shvetsııa, Chehııa, Germanııa, Danııa, Frantsııa, Avstrııa jáne Vengrııa sheberlik baıqasady.
Bıyl álem chempıonatynda Qazaqstan quramasy top-dıvızıondaǵy ornyn saqtap qaldy.
Álem chempıonatynda Italııa men Ulybrıtanııa birinshi dıvızıonǵa tústi. Olardyń ornyn 2023 jyly Vengrııa men Slovenııa quramalary basty.
