Shaıbaly hokkeıden 2021 jylǵy álem chempıonatynda ózgerister bar
NUR-SULTAN. QazAqparat - Halyqaralyq shaıbaly hokkeı federatsııa 2021 jylǵy álem chempıonatyndaǵy toptar boıynsha birqatar ózgeris jasady, dep habarlaıdy QazAqparat Qazaqstan shaıbaly hokkeı federatsııasyna silteme jasap.
Bul sheshim eki toptaǵy ózgerister negizinde qabyldandy. A tobyna Reseı quramasy aýystyrylsa, onyń ornynda Kanada hokkeıshileri baq synaıdy.
Álemdik doda keler jyly Latvııa men Belarýste ótedi. Qazaqstan quramasy V tobyndaǵy Kanada, Fınlıandııa, AQSh, Germanııa, Norvegııa, Italııa jáne Latvııa quramasy el astanasy - Rıga qalasynda sheberlik baıqasady. Al Belarýs astanasy - Mınsk qalasynda ótetin A tobyndaǵy oıyndarda Shvetsııa, Chehııa, Shveıtsarııa, Slovakııa, Danııa, Belarýs, Ulybrıtanııa jáne Reseı hokkeıshileri synǵa túsedi. Týrnır 2021 jyldyń 7-23 mamyr kúnderinde ótkiziledi dep josparlanǵan.
Esterińizge sala ketelik, 22 naýryzda Halyqaralyq shaıbaly hokkeı federatsııasy koronavırýs ınfektsııasy qaýpiniń aldyn alý maqsatynda 2020 jylǵy álem chempıonatyn ótkizbeý jóninde sheshim qabyldady. Dúbirli doda Shveıtsarııanyń Tsıýrıh jáne Lozanna qalalarynda ótkizilýi tıis bolatyn.
