Shaıbaly hokkeı: «ıÝgra» esesin qaıtardy
ASTANA. 28 tamyz. QazAqparat - Reseıdiń Magnıtogorsk qalasynda ótip jatqan shaıbaly hokkeıden Ivan Romazan atyndaǵy memorıaldyń 22-shi týrnıri aıasynda Astananyń «Barys» komandasy sońǵy kezdesýde «ıÝgra» (Hanty-Mansıısk) komandasyna jol berip qoıdy.
Bul matchta alǵashqy shaıbany qarsylas komanda soqsa da, «Barystyń» hokkeıshileri sońǵy kezeńge deıin bir shaıbaǵa alda boldy. Degenmen, úshinshi kezeńde «ıÝgra» tarazy basyn teńestire bildi. Esep - 3:3. Oıynnyń aıaqtalýyna deıin ol ózgergen joq. Sondyqtan býllıtter serııasy soǵyldy. Onda «ıÝgra» komandasynyń joly boldy. Qorytyndy esep 3:4 (B). Úsh kezdesýdiń nátıjesi boıynsha «Barys» tek tórt upaıdy ǵana oljalap otyr.
Aıta keteıik, buǵan deıin Astanada ótken QR Prezıdentiniń kýbogy úshin hokkeı jarysynda «Barys» pen «ıÝgra» eki ret kezdesti. Ol kezde «Barystyń» baǵy jandy. Al osy jolǵy týrnırde «ıÝgra» esesin qaıtara bildi.
