Shaıbaly hokkeı: «Nagano kýbogy-2010» týrnırinde Qazaqstan Japonııany 3:1 esebimen jeńdi
ASTANA. Aqpannyń 12-si. QazAqparat /Ernur Aqanbaı/ - Shaıbaly hokkeıden «Nagano kýbogy-2010» halyqaralyq týrnırine qatysyp jatqan Qazaqstan quramasy búgin aıdyn ıeleri - Japonııamen kezdesip, 3:1 esebimen jeńiske jetti,
dep habarlaıdy QazAqparat.
Osylaısha, bizdiń komanda atalmysh týrnırdegi ekinshi matchynda da jeńiske jetip otyr. Jerlesterimiz atalmysh týrnırdegi birinshi oıynyn keshe Danııamen ótkizip, 2:1 esebimen jeńiske jetken bolatyn.
Qazaqstannyń shaıbaly hokkeı federatsııasynyń málimetinshe, Japonııamen bolǵan oıynda jeńis shaıbalaryn Vladımır Antıpın, Evgenıı Rymarev, Aleksandr Shın soqqan. Erteń bizdiń komanda Slovenııamen kezdesedi.
Qazaqstan quramasy úshin «Nagano kýbogy-2010» týrnırine qatysý aǵymdaǵy jyldyń mamyr aıynda Germanııada ótetin joǵary dıvızıondaǵy komandalar arasyndaǵy álem chempıonatyna daıyndyq satysy bolyp tabylady. Quramanyń bas bapkeri Andreı Shaıanovtyń aıtýynsha, komandanyń basty mindeti - Nagano kýbogyn jeńip alý. Al, strategııalyq maqsat - qurama oıynshylarynyń basyn qosyp, olardyń álem chempıonaty aldyndaǵy daıyndyǵyn pysyqtaý.
Aıta keteıik, Naganoda bizdiń komanda Danııa, Slovenııa jáne Japonııa quramalarymen bir topta óner kórsetýde. Týrnır aqpannyń 13-i kúni aıaqtalady.
