Shaıbaly hokkeı: Qazaqstannyń jasóspirimder quramasy álem chempıonatyna daıyndyǵyn jalǵastyrýda
ASTANA. Aqpannyń 5-i. QazAqparat /Ernur Aqanbaı/ - Shaıbaly hokkeıden Qazaqstannyń jasóspirimder quramasy 2010 jyly Polshanyń Krynıtsa qalasynda ótetin álem chempıonatyna daıyndyǵyn Óskemende jalǵastyrýda,
dep habarlaıdy QazAqparat.
Qazaqstannyń shaıbaly hokkeı federatsııasynyń habarlaýynsha, álem birinshiliginde qazaqstandyq hokkeıshiler «V» dıvızıonynda oınaıdy. «A» dıvızıonyna beriletin joldama sarapqa salynatyn osy álem chempıonatyndaǵy jerlesterimizdiń qarsylastary - Ulybrıtanııa, Germanııa, Lıtva jáne Polsha komandalary. Qazirgi ýaqytta jattyqtyrýshylar shtabynyń qaraýynda quramaǵa úmitker 30 hokkeıshi bar. «Hokkeıshilerimiz aqpannyń 11-i men 15-i aralyǵynda Óskemende álem birinshiligine daıyndyqtyń kezekti kezeńin ótkizedi. Osy aralyqta Óskemende 1992-1993 jyldary týylǵan oıynshylardan turatyn jasóspirimder komandalary arasynda hokkeıden Qazaqstan chempıonatynyń ekinshi týr oıyndary ótedi. Jasóspirimder quramasy matchtarǵa konkýrstan tys qatysady. Odan keıin olar Chelıabınskige attanady, onda birqatar joldastyq jáne jattyǵý matchtaryn ótkizedi», delingen Federatsııanyń málimetinde.
Aıta keteıik, shaıbaly hokkeıden jasóspirimder quramalary arasyndaǵy álem chempıonaty 2010 jyly sáýirdiń 11-i men 17-si aralyǵynda Polshanyń Krınıtsa qalasynda ótedi.
