Shaıbaly hokkeı: Qazaqstan quramasy Kanadanyń osal tusyn taba ala ma
NUR-SULTAN. QazAqparat - Shaıbaly hokkeıden 2021 jylǵy álem chempıonatynyń elıtalyq dıvızıonynda búgin, 28 mamyrda Qazaqstan quramasy Kanadamen kezdesedi, dep habarlaıdy QazAqparat tilshisi.
Atalǵan oıyn elorda ýaqytymen 19.05-te bastalyp, Qazsport telearnasynan tikeleı efırde kórsetiledi.
Eki qurama buǵan deıin atalǵan týrnırde eki márte kezdesti. Onyń ekeýinde qanadalyq hokkeıshiler jeńiske jetti.
Eske salsaq, Qazaqstan quramasy bıylǵy týrnırde buǵan deıin tórt kezdesý ótkizip, úsheýinde jeńiske jetti. Aldymen býllıtten Latvııadan 2:1, Fınlıandııadan 3:2 esebimen basym tússe, odan keıin AQSh-qa 0:3 esebimen ese jiberdi. Tórtinshi kezdesýde Germanııany 3:2 esebimen tize búktirdi.
Al Kanada alǵashqy úsh kezdesýde Latvııadan 0:2, AQSh- tan 1:5:, Germanııadan 1:3 esebimen jeńildi. Tórtinshi oıynda Norvegııadan 4:2 esebimen basym tústi. Qazir týrnır kestesinde segiz qurama arasynda kanadalyq hokkeıshiler jetinshi oryndy mise tutyp otyr.
Kanada shaıbaly hokkeıden 26 márte álem chempıony ataǵyn jeńip alǵan. Sońǵy ret 2016 jyly osyndaı tabysqa qol jetkizdi.
