Shaıbaly hokkeı: «Ertis» qatysatyn Qurlyqtyq kýbogqa irikteý qalaı ótedi
NUR-SULTAN. QazAqparat - Shaıbaly hokkeıden Pavlodardyń «Ertis» komandasy qatysatyn Qurlyqtyq kýbogtyń irikteý kezeńin ótkizý júıesi naqtylandy, dep habarlaıdy QazAqparat tilshisi Qazaqstan hokkeı federatsııasyna silteme jasap.
Іrikteý oıyndary 16-18 qazan kúnderi ótkiziledi. Onda týrnırdiń toptyq kezeńinde synǵa túsetin komandalar anyqtalady. Ol 13-15 qarasha kúnderi oınalady.
Іrikteý kezeńinde komandalar tórt topqa bólinedi. Buryn komandalar eki top boıynsha sheberlik baıqasatyn. Endi árbir toptan jeńimpaz ujymdar ǵana jarystyń fınaldyq satysynda baq synaýǵa múmkindik alady. Fınaldyq oıyndar aqtyq synǵa shyqqan tórt klýbtyń biriniń aıdynynda ótkiziledi.
Bıyl atalǵan týrnırde el namysyn qorǵaıtyn «Ertis» Frantsııanyń Amen qalasynda S tobynda oınaıdy. Qarsylastary - «Gotık» (Amen, Frantsııa), «Ferentsvarosh» (Býdapesht, Vengrııa) jáne irikteý kezeńinde V tobynda ekinshi oryn alǵan komanda.
Halyqaralyq týrnır 1997 jyldan beri uıymdastyrylyp keledi. 2018/19 jylǵy kezeńde qazaqstandyq «Arlan» (Kókshetaý) komandasy chempıon atandy. Al 2016/17 jylǵy kezeńde «Beıbarys» (Atyraý), 2017/18 jylǵy kezeńde «Nomad» (Nur-Sultan) komandalary kúmis júldeger bolsa, 2007/08 jylǵy kezeńde «Qaztsınk-Torpedo» qola medalǵa qol sozdy.
Budan buryn Qazaqstan shaıbaly hokkeıden 2026 jylǵy álem chempıonatyn qabyldaýǵa úmitker ekenin habarlaǵan bolatynbyz.
