Shaıbaly hokkeı: Chehııa quramasy 2010 jylǵy álem chempıony atandy
ASTANA. Mamyrdyń 24-i. QazAqparat /Ernur Aqanbaı/ - Chehııa quramasy shaıbaly hokkeıden 2010 jylǵy álem chempıony atandy. Germanııada ótken álem birinshiliginiń aqtyq synynda Chehııa Reseı quramasyn 2:1 esebimen jeńdi,
dep habarlaıdy QazAqparat.
Osylaısha Reseı quramasy 2008 jáne 2009 jyldary jeńip alǵan chempıondyq ataqtaryn qorǵaı almady. Al, Shvetsııa quramasy álem chempıonatynyń qola júldegeri atandy. Olar úshinshi oryn úshin bolǵan matchta jarys qojaıyny - Germanııany 3:1 esebimen jeńdi.
Aıta keteıik, Germanııadaǵy álem chempıonatynda Qazaqstan quramasy sátsiz óner kórsetip, birinshi dıvızıonǵa túsip qaldy. Bizdiń komanda Reseı, Slovakııa jáne Belarýs komandalarymen birge «A» tobynda oınaǵan bolatyn. Jerlesterimiz toptyq kezeńdegi barlyq matchtarda atalmysh komandalardan jeńilip qaldy. Odan keıin AQSh, Frantsııa jáne Italııa quramalarymen birge joǵary dıvızıonda qalýǵa quqyq beretin eki joldamaǵa talasty. Alaıda, bul komandalardyń barlyǵynan jeńilip qalyp, birinshilik aldynda joǵary dıvızıonda qalý jóninde aldyǵa qoıylǵan mindetti oryndaı almady. Sóıtip birinshi dıvızıonǵa túsip qaldy.
