Shaıbaly hokkeı: Búgin Qazaqstan quramasy Slovenııamen kezdesedi
ASTANA. Aqpannyń 13-i. QazAqparat /Ernur Aqanbaı/ - Shaıbaly hokkeıden Japonııadaǵy «Nagano kýbogy-2010» halyqaralyq týrnırine qatysyp jatqan Qazaqstan quramasy búgin Slovenııamen kezdesedi,
dep habarlaıdy QazAqparat.
Bul bizdiń komandanyń osy týrnırdegi úshinshi oıyny. Buǵan deıin jerlesterimiz eki kezdesýde de jeńiske jetken bolatyn. Birinshi matchta Qazaqstan quramasy Danııany - 2:1, sodan keıin aıdyn ıeleri - Japonııany 3:1 esebimen jeńdi.
Qazaqstan quramasy úshin «Nagano kýbogy-2010» týrnırine qatysý aǵymdaǵy jyldyń mamyr aıynda Germanııada ótetin joǵary dıvızıondaǵy komandalar arasyndaǵy álem chempıonatyna daıyndyq satysy bolyp tabylady. Quramanyń bas bapkeri Andreı Shaıanovtyń aıtýynsha, komandanyń basty mindeti - Nagano kýbogyn jeńip alý. Al strategııalyq maqsat - qurama oıynshylarynyń basyn qosyp, olardyń álem chempıonaty aldyndaǵy daıyndyǵyn pysyqtaý.
